Brytanskija navukoŭcy-virusołahi stanoŭča acanili paviedamleńnie ab pavyšeńni efiektyŭnaści rasijskaj vakcyny «Spadarožnik V» da 95% i ličać, što heta ŭzhadniajecca z vynikami raspracovak inšych preparataŭ. Pra heta navukoŭcy zajavili telekanału CBC, piša RBK.
«Hetyja vyniki ŭzhadniajucca z tym, što my bačym u dačynieńni da inšych vakcyn, bo heta sapraŭdy vialikaje paviedamleńnie dla navukoŭcaŭ u halinie miedycyny pra toje, što hetuju chvarobu [COVID-19] možna pieramahčy z dapamohaj vakcyn», — zajaviŭ prafiesar farmakaepidemijałohii Łondanskaj škoły hihijeny i trapičnaj miedycyny Styvien Evans.
Prafiesar virusałohii Univiersiteta Redynha Ien Džons pahadziŭsia ź im, zajaviŭšy, što nie bačyć pryčyn sumniavacca ŭ źviestkach ab efiektyŭnaści rasijskaj vakcyny.
«Ja zhodny, što pieršapačatkovyja vyniki vyklikali zamiašańnie, ale ja nie dumaju, što heta z-za taho, što jany byli nieabhruntavanyja. Jany byli apublikavanyja trochi rana. Ja dumaju, što heta budzie karysnaja vakcyna», — rastłumačyŭ jon.
Jak paviedamlaje telekanał, stanoŭčyja acenki navukoŭcaŭ hruntujucca na tym, što raspracoŭki, pakładzienyja ŭ asnovu «Spadarožnik V», raz za razam paćviardžajuć svaju paśpiachovaść.
«Ciapier u nas jość čatyry vakcyny, jakija efiektyŭnyja suprać COVID-19, što ŭžo našmat bolš, čym u nas kali-niebudź było suprać VIČ ci malaryi», — padkreśliŭ Evans.
Mienavita rasijskaja vakcyna prachodziła vyprabavańni ŭ Biełarusi, i, mahčyma, mienavita joj buduć pryščaplać u nastupnym hodzie.
