Čarnahoryja i Sierbija abviaścili ab vysyłcy pasłoŭ praz sprečku ab padziejach, jakija adbyvalisia bolš za stahodździe tamu, paviedamlaje BBC.
Pasoł Sierbii ŭ Čarnahoryi Uładzimir Božavič nazvaŭ rašeńnie čarnahorskich uładaŭ u 1918 hodzie abjadnacca ź Sierbijaj «vyzvaleńniem». Jaho abvinavacili va ŭmiašańni va ŭnutranyja spravy Čarnahoryi i dali 72 hadziny na toje, kab pakinuć krainu.
Paśla hetaha ŭ MZS Sierbii byŭ vysłany ambasadar Čarnahoryi Tarzan Miłošavič. Białhrad, «kirujučysia pryncypam uzajemnaści», taksama abviaściŭ jaho piersonaj non hrata.
Vialikaja narodnaja skupščyna Čarnahoryi ŭ listapadzie 1918 hoda pryniała rašeńnie ab detranizacyi karala i abjadnańni ź Sierbijaj u adzinuju dziaržavu. U 2006 hodzie Čarnahoryja abviaściła niezaležnaść. Da hetaha try hady isnavała kanfiederatyŭnaja dziaržava Sierbija i Čarnahoryja.
MZS Čarnahoryi zajaviła, što sierbski pasoł takim čynam «pryniziŭ dziaržavu, što dała jamu dypłamatyčny imunitet».
