Skid pary na pieršym enierhabłoku Biełaruskaj AES ździejśnieny płanava padčas testavańnia abstalavańnia, napisała ŭ svaim telehram-kanale Ministerstva enierhietyki.
«Na pieršym enierhabłoku BiełAES praciahvajucca kompleksnyja vyprabavańni. U časie adnaho ź ich, jak heta i praduhledžvałasia prahramaj, ździejśnieny skid pary dla testavańnia sistem i abstalavańnia. U vyniku vyjaŭlenaja nieabchodnaść dadatkovaj karekciroŭki pracy nakryvak šumapahłynalnikaŭ pary», — paviedamili ŭ Minenierha.
U ministerstvie adznačyli, što vyprabavańni buduć praciahnutyja ŭ adpaviednaści z hrafikam etapnych rabot. Ciapier pieršy enierhabłok uklučany ŭ sietku.
Raniej pra mahčymuju pazaštatnuju situacyju na BiełAES infarmavała Biełaruskaja antyjadziernaja kampanija. U pryvatnaści, adznačałasia, što źjavilisia niepaładki ŭ reziervovaj sistemie astudžeńnia reaktara pieršaha błoka.