Minskaja kaviarnia O'Petit začyniajecca na niavyznačany termin. Ustanova stała šyroka viadoma paśla taho, jak 6 vieraśnia padčas akcyi pratestu siłaviki pabili ich šklanyja dźviery, piša Tut.by.
«Ź vialikim škadavańniem paviedamlajem, što zaŭtra naš apošni pracoŭny dzień. My vymušanyja začynicca na niavyznačany termin», — paviedamili ŭ Instagram ustanovy 4 śniežnia.
Nahadajem, kaviarnia O'Retit na praśpiekcie Pieramožcaŭ, 3, nie pracavała 26 kastryčnika. Paśla hetaha va ŭstanovu z pravierkami pryjšła sanstancyja, paśla čaho kaviarnia časova začynilisia, śledam naniesła vizit MNS. 12 listapada stała viadoma, što pa rašeńni viedamstva kaviarnia była aštrafavanaja bolš čym na šeść tysiač rubloŭ. Heta nie pieršy padobny vypadak u stalicy.
U O'Retit 6 vieraśnia sprabavali schavacca ŭdzielniki akcyi pratestu, supracoŭniki HUBAZiK raźbili ŭvachodnyja dźviery kaviarni i zatrymali mitynhoŭcaŭ. Paśla incydentu minčuki pryjšli padtrymać ustanovu: čarha ŭ kaviarniu stajała niekalki dzion zapar.
