Siońnia adbyłosia pasiadžeńnie vykankama Mižnarodnaha alimpijskaha kamiteta, na jakim abmiarkoŭvalisia miery ŭ dačynieńni da NAK Biełarusi.
Alaksandru Łukašenku zabaranili ŭdzielničać u mierapryjemstvach Mižnarodnaha alimpijskaha kamiteta.
Zabarona tyčycca i Alimpijskich hulniaŭ u Tokio, jakija projduć u 2021 hodzie.
Taksama stała viadoma, što MAK vyrašyŭ pryniać časovyja miery ŭ adnosinach da NAK Biełarusi.
Jany praduhledžvajuć:
— vyklučeńnie ŭsich členaŭ vykanaŭčaha kamiteta NAK ź mierapryjemstvaŭ MAK, uklučajučy Alimpijskija hulni;
— prypynieńnie lubych vypłat NAK za vyklučeńniem vypłat, źviazanych z padrychtoŭkaj biełaruskich spartsmienaŭ da Alimpijskich hulniaŭ u Tokia-2021 i Zimovych Alimpijskich hulniaŭ u Piekinie-2022;
— zvarot da mižnarodnych fiederacyj z prośbaj zabiaśpiečyć, kab usie dapuščanyja da spabornictvaŭ biełaruskija spartsmieny mahli ŭziać udzieł u kvalifikacyjnych spabornictvach Alimpijskich hulniaŭ, jakija majuć adbycca, bieź jakoj-niebudź palityčnaj dyskryminacyi;
— prypynieńnie lubych abmierkavańniaŭ z NAK Biełarusi adnosna praviadzieńnia budučych mierapryjemstvaŭ MAK;
— patrabavańnie, kab usie ŭdzielniki Alimpijskaha ruchu vykonvali hetyja miery ŭ intaresach abarony pravoŭ biełaruskich spartsmienaŭ i reputacyi Alimpijskaha ruchu.
