BiełTA
Pra heta jon zajaviŭ padčas naviedvańnia ŭ aŭtorak Staŭbcoŭskaj centralnaj rajonnaj balnicy, paviedamlaje BiełTA.
Łukašenka skazaŭ, što zaraz asablivaja ŭvaha budzie nadavacca raźvićciu mižrajonnych balnic. Takich u Minskaj vobłaści čatyry: u Barysavie, Maładziečnie, Salihorsku i Słucku. «My chočam z navukova-praktyčnych centraŭ Minska, z abłasnych balnic mnohija apieracyi pieranieści ŭ mižrajonnyja balnicy i rajonnyja padciahvać», — skazaŭ jon.
Hałoŭny doktar balnicy Śviatłana Hlebka raskazała pra lačeńnie chvorych na karanavirus. Siońnia na špitalizacyi ŭ CRB znachodzicca 121 pacyjent z COVID-19. Pa słovach Śviatłany Hlebka, za apošnija niekalki dzion zachvorvańnie na karanavirus źniziłasia. Kali ŭ listapadzie za sutki rehistravałasia 20 pacyjentaŭ, to apošnija dni — pa 12.
«Kali z 20 da 12 ŭpała, heta ŭžo dobraje padzieńnie. Daj boh, kab u krainie tak było. Budziem spadziavacca, što my ŭsio ž taki vyjšli na heta płato. Bačycie, užo pajšło źnižeńnie», — adznačyŭ Alaksandr Łukašenka.
Pavodle źviestak Minzdaroŭja, pa stanie na paniadziełak za sutki było vyjaŭlena 1796 vypadkaŭ karanavirusa, u niadzielu 1878, a ŭ subotu byŭ zafiksavany rekord — 1896.
Padčas viasnovaj chvali maksimum u dzień składaŭ, pavodle źviestak Minzdaroŭja, 973 vypadki (29 krasavika).
