Kala Čyrvonaha kaścioła a 14-j sabralisia piensijaniery dla ŭdziełu ŭ tradycyjnym maršy. Praź niejki čas siłaviki nie dali piensijanieram vyjści z płoščy, akružyli ich i stali zatrymlivać.
Jak paviedamiŭ potym kanał «Śpisy Akreścina», u Leninski RUUS pryvieźli kala 40 čałaviek, u Kastryčnicki — 35-40 čałaviek.
Z 14:40 da 15:07 mietrapaliten zakryvaŭ vychad ź mietro na płošču Niezaležnaści «ŭ metach biaśpieki»
Byŭ pierakryty navat praśpiekt Niezaležnaści dla hramadskaha transpartu, maršrutki jechali ŭ abychod
***
Maršy piensijanieraŭ prachodziać kožny paniadziełak, pačynajučy z 5 kastryčnika. Zvyčajna ludzi stałaha ŭzrostu starajucca dajści da płoščy Jakuba Kołasa. Tydzień tamu častka sabrałasia na Jakuba Kołasa, a častka dajšła da płoščy Niezaležnaści, a jašče adna častka sabrałasia tam i kala Pryvakzalnaj płoščy.
