Ministerstva adukacyi vynosić na hramadskaje abmierkavańnie školnyja navučalnyja płany.
Pakul što ŭ 10-m kłasie školniki vyvučajuć adnu hadzinu na tydzień čarčeńnie, a ŭ 11-m kłasie — astranomiju. Ale čynoŭniki zadumalisia, ci pravilna heta?
Ministr adukacyi Ihar Karpienka
Usim achvotnym prapanujuć vybrać pamiž roznymi varyjantami.
Čarčeńnie možna pa-raniejšamu vyvučać usim, možna vyvučać biez vystaŭleńnia acenak, a možna zrabić fakultatyvam.
Astranomiju možna pakinuć abaviazkovym pradmietam, a možna zrabić fakultatyvam.
Kali ž vyzvalić miesca ŭ raskładzie, to možna ich napoŭnić adnym z dvuch fakultatyvaŭ.
Fakultatyŭ «Etyka i psichałohija siamiejnaha žyćcia» prapanujecca zrabić albo abaviazkovym, albo vyvučać pa žadańni školnika i jaho baćkoŭ.
Inšaja ideja — zrabić abaviazkovym fakultatyŭ «Asnovy pravasłaŭnaj kultury». Tut taksama jość niekalki varyjantaŭ — pačać abaviazkovaje vyvučeńnie z treciaha kłasa, pačać abaviazkovaje vyvučeńnie ź piataha kłasa albo pakinuć prava vybaru školniku i baćkam.
Svajo mierkavańnie možna dasłać na elektronny adras [email protected] albo praz telehram-bot @MinEducat_bot (https://t.me/MinEducat_bot).