Pixabay.com
Brytanskija psichołahi acanili ŭpłyŭ katoŭ i košak na pracu ich haspadaroŭ na dystancyjcy. Jak vyśvietliłasia, ich najaŭnaść u domie stanoŭča adbivajecca na dystancyjnaj pracy supracoŭnikaŭ, pakolki hadavancy dapamahajuć im pazbavicca ad stresu i padymajuć nastroj. Pra heta piša lenta.ru sa spasyłkaj na The Mirror.
Aŭtary daśledavańnia praviali apytańnie siarod 700 uładalnikaŭ košak, jakija pracujuć z domu. 63% ź ich raskazali, što koška ich supakojvała, 56% pryznalisia, što stali adčuvać siabie mienš adzinokim. Taksama bolš za pałovu respandentaŭ (53 pracenty) adznačyli, što im padymała nastroj, kali jany bačyli, jak koška robić niešta śmiešnaje. Pa ich słovach, heta natchniała ich i nadavała sił. Akramia taho, niekatoryja pryvykli razmaŭlać z hadavancami i abmiarkoŭvać ź imi pracoŭnyja prablemy.
Adna ź śpiecyjalistaŭ, jakija prymajuć udzieł u daśledavańni, Džyna Ejkiers, paraiła abstalavać miesca dla koški pobač z pracujučym haspadarom, kab jana zaŭsiody mahła jaho bačyć. Akramia taho, dla jaje treba stvaryć umovy, kab jana mahła znajści dla siabie zaniatak, nie adciahvajučy pry hetym haspadara ad pracy.
Psichołah Džo Chieminhs pakazaŭ, što blizkaść chatnich žyvioł stvaraje ŭ ich uładalnikaŭ pačućcio «narmalnaści i žyćcia», što, u svaju čarhu, supakojvaje hadavancaŭ i źnižaje ŭzrovień stresu ŭ ich. Śpiecyjalist zaŭvažyŭ, što žyvioły, vierahodna, i sami stali bolš ščaślivymi, pakolki ciapier im nie davodzicca padoŭhu čakać svaich haspadaroŭ z pracy.
