Va Ukrainie z 8 da paŭnočy 25 studzienia budzie dziejničać uzmocnieny režym karancinu. Jon praduhledžvaje zakryćcio ŭsich navučalnych ustanoŭ, akramia daškolnych i śpiecyjalnych.
Zabaronienaja praca kafe, baraŭ, restaranaŭ, akramia na vynas i dastaŭku.
Zabaronieny pryjom naviedvalnikaŭ u handlova-zabaŭlalnych centrach, akramia kupli tavaraŭ pieršaj nieabchodnaści.
Zabaronieny pryjom naviedvalnikaŭ va ŭstanovach zabaŭlalnaj dziejnaści.
Začynienymi buduć ustanovy kultury (teatry, kinateatry, vystavy), fitnies-zały, basiejny. Sałony pryhažości mohuć pracavać vyklučna pa papiarednim zapisie i biez čakańnia naviedvalnikaŭ unutry.
Začyniacca ŭsie ŭstanovy raźmiaščeńnia, akramia haścinic i ŭstanoŭ reabilitacyi.
U Kijevie taksama papiaredzili, što pracu spyniać usie navahodnija łakacyi, u tym liku i katki, i kirmašy.
U cełym niecharčovyja kirmašy i rynki buduć zabaronienyja pa ŭsioj krainie.
Hramadski transpart praciahnie pracu. Buduć pracavać haścinicy, banki, praduktovyja kramy, apteki, paštovyja apieratary, vieterynarnyja lačebnicy, zaakramy.
