«My hłyboka zaniepakojenyja pieraśledam biełaruskich niezaležnych ŚMI, jakija prosta robiać svaju spravu, niepraduziata paviedamlajučy svaim suhramadzianam ab tym, što adbyvajecca.
Aryšt Andreja Alaksandrava na hetym tydni i ŭčorašni rejd na infarmacyjnaje ahienctva BiełaPAN u pošukach sumniŭnych apraŭdańniaŭ jaho aryštu źjaŭlajucca jašče adnym śviedčańniem taho, što ŭłady pa-raniejšamu schilnyja manipulavać zakonam dziela svaich palityčnych metaŭ», — havorycca ŭ zajavie Pasolstva ZŠA.
«Mocnyja niezaležnyja srodki masavaj infarmacyi, svabodny abmien infarmacyjaj i dostup da jaje źjaŭlajucca pravam biełaruskaha naroda i vielmi važnyja dla adkrytaha sučasnaha hramadstva.
My znoŭ zaklikajem urad Biełarusi abaraniać i zabiaśpiečvać asnoŭnyja svabody, u pieršuju čarhu svabodu schodaŭ, słova i druku. Biełaruski narod zasłuhoŭvaje lepšaj budučyni», — padkreślivaje Pasolstva.