RBK-Ukraina
Ukraina płanuje admianić žorstki łokdaŭn z 24 studzienia i viarnucca da raniejšych abmiežavańniaŭ z-za karanavirusa, paviedamiŭ premjer-ministr krainy Dzianis Šmyhal u intervju «Interfaks-Ukraina».
Uzmocnienyja karancinnyja miery ŭ krainie pačali dziejničać 8 studzienia.
«Ciapier my razryvajem toj łancužok, jaki ŭtvaryŭsia z Novaha hoda da Kalad. Kali b my nie zrabili hetych zimovych kanikuł, to ŭ lutym vyjšli b na krytyčnyja pakazčyki, jakija nie dazvolili b našaj miedycynskaj sistemie spraŭlacca, — padkreśliŭ premjer-ministr. — Ale navošta ryzykavać žyćciom i zdaroŭjem ludziej, kali my možam u hety najbolš nieaktyŭny pieryjad u hodzie zrabić samy miakki ŭ Jeŭropie łakdaŭn, dla taho kab źbić chvalu, jakaja pačynajecca, i ŭ lutym nie dapuskać vialikaj kolkaści zachvorvańniaŭ».
Šmyhal rastłumačyŭ, što hałoŭnaj metaj łakdaŭnu było abmiežavańnie mabilnaści nasielnictva. Pa jaho słovach, urad imknuŭsia nie pierahružać sistemu achovy zdaroŭja da atrymańnia vakcyny ad karanavirusa. Jaje pastupleńnie čakajecca nie paźniej za luty.
