Japonskija ŭłady pryjšli da vysnovy, što Alimpijskija Hulni ŭ Tokia ŭ 2021 hodzie pryjdziecca admianić z-za karanavirusa. Pra heta paviedamlaje The Times sa spasyłkaj na vysokapastaŭlenaha čalca ŭrada krainy.
Pa jaho słovach, japonskija ŭłady ŭžo pryjšli da zhody, što pravieści Alimpijadu sioleta nie ŭdasca i ciapier šukajuć sposab paviedamić pra heta, «zachavaŭšy tvar».
«Nichto nie choča havaryć pra heta pieršym, ale ŭsie zhodnyja z tym, što heta budzie vielmi składana», — zajaviŭ surazmoŭca Times. Jon adznačyŭ, što, niahledziačy na raniejšyja zajavy Mižnarodnaha alimpijskaha kamiteta (MAK) i ŭrada Japonii ab dalejšaj padrychtoŭcy da hulniaŭ, zimovaja chvala COVID-19 pierakreśliła hetyja płany. Uładam daviałosia pryniać ekstranyja miery dla baraćby z karanavirusam i ŭvieści nadzvyčajnaje stanovišča ŭ najbujniejšych haradach krainy, u tym liku ŭ Tokia.
Pieršapačatkova Takijskaja Alimpijada pavinna była prajści z 24 lipienia pa 9 žniŭnia 2020 hoda. Z-za pandemii ŭ sakaviku minułaha hoda ŭrad eks-premjera Japonii Sindza Abe razam z MAK vyrašyli pieranieści hulni na nastupny hod.
