Milicejskaja statystyka trapiła ŭ kadr adnaho z repartažaŭ BT. Pavodle hetych źviestak, u stalicy za vosiem dzion śniežnia minułaha hoda byli zatrymanyja 518 čałaviek, paviedamlaje TUT.BY.
Siužet vyjšaŭ u viačernim vypusku navinaŭ na «Biełaruś 1» napiaredadni ŭviečary. U im havorka išła ab niedapuščalnaści ŭdziełu hramadzian u niesankcyjanavanych akcyjach pratestu. Na adnoj ź videapierabivak apieratar pakazaŭ ekran kampjutara z tablicaj, jakaja źmiaščaje źviestki ab «sacyjalna-ŭzrostavym partrecie asob, zatrymanych za ŭdzieł u niesankcyjanavanych masavych mierapryjemstvach» z 10 pa 18 śniežnia 2020 hoda.
Skrynšot ź videa
Pavodle tablicy, za hety pieryjad u Minsku było zatrymana 518 čałaviek, u tym liku 11 niepaŭnaletnich, 115 piensijanieraŭ i 274 pracujučych. Taksama za hety pieryjad byli zatrymanyja 4 žurnalisty aficyjnych ŚMI, ich kolkaść adlustravali asobnym radkom.
Varta adznačyć, što aficyjnaja kolkaść zatrymanych HUUS Minska za toj pieryjad ahučvała tolki ŭ niadzielu, 13 śniežnia. U toj dzień u stalicy «za parušeńnie zakanadaŭstva ab masavych mierapryjemstvach» byli zatrymanyja bolš za 300 čałaviek.
Na niadzielnaj akcyi tady byli zatrymanyja karespandent «Biełsata» Stanisłaŭ Ivaškievič, redaktar Onliner Mikałaj Hradziuška, a taksama fatohraf Hienadź Vieracinski.
