Abviaščeńnie čarhovaha karancinu źviazana z chutkimi tempami raspaŭsiudu ŭ Francyi «brytanskaha» varyjanta karanavirusa i novaha štama z PAR.
Vystupleńnie prezidenta Francyi Emaniuela Makrona pa pytańni novych abmiežavańniaŭ pavinna adbycca ŭ sieradu, 27 studzienia, paśla pryśviečanaha hetamu pytańniu pasiadžeńnia Savieta pa abaronie, udakładniaje hazieta. Režym novaha karancinu ŭstupić u siłu da kanca budučaha tydnia i «budzie doŭžycca nie mienš za try tydni», paviedamili surazmoŭcy vydańnia.
Pieršy režym karancinu ŭ Francyi byŭ uviedzieny z-za raspaŭsiudžvańnia karanavirusa 17 sakavika minułaha hoda i dziejničaŭ da 11 maja. Druhi karancin byŭ abvieščany 30 kastryčnika i dziejničaŭ da 15 śniežnia. Zaraz u Francyi zastajecca ŭ sile kamiendanckaja hadzina z 18:00 da 06:00, začynienyja ŭsie restarany i kafe, teatry, kinateatry i muziei, a taksama spartyŭnyja abjekty.
Pavodle źviestak Ministerstva achovy zdaroŭja Francyi, kolkaść zaražanych karanavirusam u krainie pieravysiła 3 młn, pamierli 72,8 tys. čałaviek. Za apošnija sutki ŭ Francyi vyjavili 23,9 tys.novych vypadkaŭ COVID-19.
