Alaksandr Łukašenka ŭ pačatku śniežnia minułaha hoda zajaviŭ, što Usiebiełaruski narodny schod, na jaho dumku, treba zrabić kanstytucyjnym orhanam, nahadvaje Tut.by.
Źmieny z ulikam praktykaprymianieńnia majuć namier unieści ŭ Zakon ad 12 lipienia 2000 hoda №411-Z «Ab respublikanskich i miascovych schodach». Heta praduhledžana płanam padrychtoŭki zakonaprajektaŭ na hety hod. Novaŭviadzieńni majuć namier padrychtavać da listapada hetaha hoda, a ŭ sakaviku 2022-ha pradstavić na razhlad parłamientu.
U abhruntavańni da płana padrychtoŭki zakonaprajektaŭ na 2021 hod (jano majecca ŭ rasparadžeńni redakcyi) pakazana, što ŭniasieńnie źmianieńniaŭ «abumoŭlena nieabchodnaściu ŭzmacnieńnia aŭtarytetu takoha najvažniejšaha hramadskaha instytuta ŭ abmierkavańni pytańniaŭ respublikanskaha značeńnia, jak Usiebiełaruski narodny schod, jaki źjaŭlajecca raznavidnaściu respublikanskaha schodu».
«Ujaŭlajecca apraŭdanym zamacavać status Usiebiełaruskaha narodnaha schodu. Taksama nieabchodna pieraličyć u zakonie kankretnyja pytańni, jakija razhladajucca na Usiebiełaruskim narodnym schodzie, vyznačyć jurydyčnuju siłu rašeńniaŭ, jakija prymajucca im, pieryjadyčnaść praviadzieńnia, a taksama ŭdakładnić klučavyja pytańni jaho arhanizacyi i praviadzieńnia», — havorycca ŭ abhruntavańni da płana padrychtoŭki zakonaprajektaŭ na hety hod.
