India Redman
Rudy kot pa mianušcy Kupidon źnik z doma ŭ Bornmucie adrazu paśla Kaladaŭ, a znajšli jaho ŭ pasiołku Odstak kala Sołśbiery. «Jon žyŭ u susiednim domie dva hady tamu — ja navat nie ŭjaŭlała, što heta toje samaje kaciania», — raspaviała Emi Osbarn, jakaja znajšła kata, piša Bi-bi-si.
Haspadynia Kupidona Indyja Redmien skazała, što joj «jazyk adniało». «Jon pavinien być razumniejšy, čym zdajecca — nievierahodna, jak jon znajšoŭ šlach nazad».
Spadarynia Osbarn zmahła viarnuć Kupidona ŭ jaho siamju paśla taho, jak apublikavała padrabiaznaści pra kata ŭ sacyjalnych sietkach.
«Indyja nie mahła pavieryć, što heta jon», — dadała jana.
«Z usich miescaŭ, kudy jon moh uciačy, tak dziŭna, što jon apynuŭsia ŭ miescy svajho naradžeńnia — heta pavinien być instynkt viartańnia dadomu».
Dabračynnaja arhanizacyja Cats Protection zajaviła, što takoje nadzvyčajnaje padarožža — niazvykłaje dla katoŭ.
«Davoli časta katy viartajucca dadomu za 3-4 kiłamietry, ale padarožža Kupidona — nadzvyčajnaje», — adznačyła śpiecyjalistka ŭ pavodzinach chatnich žyvioł Niki Trevaroŭ.
«U adroźnieńnie ad inšych žyvioł, jakija mohuć vykarystoŭvać viadomyja aryjenciry abo mahnitnyja pali dla navihacyi na vielizarnyja adlehłaści, kab viarnucca da svajho miesca naradžeńnia, u katoŭ niama pryrodnaha instynktu viartańnia dadomu», — dadała jana.