Pra heta havorycca ŭ zajavie pravaabarončych arhanizacyj Biełarusi.
«Za svaju vyklučna mirnuju apazicyjnuju, publičnuju palityčnuju dziejnaść jen nieadnarazova padviarhaŭsia represijam z boku dziejsnaj ułady: štrafam, administratyŭnym aryštam, źbićciu, zapałochvańniam i cisku.
My aceńvajem pieraśled Maksima Viniarskaha, jaki padazrajecca ŭ padrychtoŭcy da ŭdziełu ŭ masavych biesparadkach (art. 13, č. 2 art. 293 KK), jak palityčna matyvavany pieraśled u suviazi z realizacyjaj im svabody mirnych schodaŭ i vykazvańnia svajho mierkavańnia adnosna abvieščanych vynikaŭ vybaraŭ Prezidenta Respubliki Biełaruś, a taksama ŭ suviazi ź jahonaj publičnaj palityčnaj dziejnaściu, i pryznajom jaho palityčnym źniavolenym».
Pravaabaroncy zaklikajuć nieadkładna vyzvalić z-pad varty Maksima Viniarskaha i spynić jahony kryminalny pieraśled, a taksama nieadkładna vyzvalić usich palityčnych źniavolenych, a taksama hramadzian, zatrymanych u suviazi z realizacyjaj svabody mirnych schodaŭ u paślavybarčy pieryjad i spynić palityčnyja represii ŭ dačynieńni da hramadzian krainy.
