PA Media
Jaho dačka Chana Inhram-Mur napisała ŭ tvitary, što ŭ jaje baćki ŭźnikli prablemy z dychańniem, i jaho pakłali ŭ balnicu. Pavodle jaje słoŭ, u sera Toma niekalki tydniaŭ tamu była dyjahnastavana pnieŭmanija, a na minułym tydni jaho test na Covid-19 pakazaŭ stanoŭčy vynik.
Pradstaŭnik siamji Toma Mura paviedamiŭ, što jon pakul nie byŭ pryščepleny vakcynaj ad karanavirusa, bo prymaje preparaty dla lačeńnia pnieŭmanii.
Premjer-ministr Brytanii Borys Džonsan pažadaŭ jamu chutčejšaha vyzdaraŭleńnia: «Vy natchnili ŭsiu krainu, i ja viedaju, što ŭsie my zyčym vam całkam vyzdaravieć».
Mur niadaŭna prajšoŭ kurs lačeńnia ad raku i viasnoj 2020 hoda adnaŭlaŭ dziejnaść paśla taho, jak złamaŭ ściahno. Jon chacieŭ sabrać tysiaču funtaŭ u znak padziaki brytanskim miedykam i ŭ vyniku sabraŭ našmat bolš, staŭšy znakamitaściu va ŭsim śviecie. Z dapamohaj chadunkoŭ vieteran chadziŭ pa sadzie, pieryjadyčna vykładvajučy videa ŭ YouTube. Da svajho stahodździa jon raźličvaŭ prajści 100 kołaŭ. Ale kampanija Mura stała zvyšpapularnaj.
17 krasavika ŭ pramym efiry Bi-bi-si jon skončyŭ soty abychod sadu, sabraŭšy 17 młn funtaŭ (23,3 młn dalaraŭ). Hrošy praciahvali pastupać i paśla hetaha.
U stohadovy dzień naradžeńnia Tomu Muru było prysvojena hanarovaje zvańnie pałkoŭnika, a ŭ lipieni jamu było dadziena karalevaj Lizavietaj II zvańnie rycara.