Zhodna z abvinavačvańniem, 26 vieraśnia 2020 hoda Sambras raźmiaściŭ u adnym z telehram-čataŭ Fanipala niecenzurnaje vykazvańnie pra načalnika Dziaržynskaha RAUS, pałkoŭnika milicyi Jaŭhiena Žylinskaha, jakoje mieła «abraźlivy charaktar».
Z hetaj nahody Maksima zatrymali 10 kastryčnika i praz 72 hadziny vypuścili pad padpisku ab niavyjeździe.
Na sudzie Maksim Sambras vystupaŭ biez advakata. Jon pryznaŭ vinu i adznačyŭ, što publična paprasiŭ u Žylinskaha prabačeńnie ŭ tym ža čacie, dzie i apublikavaŭ abrazu.
Prakuror paprasiŭ prysudzić chłopcu paŭtary hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»). Sudździa Raman Kryłovič prysudziŭ 1 hod i 3 miesiacy «chatniaj chimii» i pastanaviŭ zadavolić pazoŭ kampiensacyi maralnaj škody ŭ pamiery 3000 rubloŭ.
