Sudździa Alaksandr Rybakoŭ pryznaŭ jaho vinavatym u abrazie pradstaŭnika ŭłady i arhanizacyi i padrychtoŭcy hrupaj asob dziejańniaŭ, jakija hruba parušajuć hramadski paradak (artykuły 369 i 342), paviedamlaje Radyjo Svaboda
Raniej prakuror Alaksandr Laŭkovič kazaŭ, što ŭ svaich videarolikach Niaronski publična zaklikaŭ da ŭdziełu ŭ niesankcyjanavanych mierapryjemstvach u Słucku, Mazyry, Bieraści i Babrujsku. A hrupa asob — heta Siarhiej Cichanoŭski i Mikałaj Statkievič. Suviaź Niaronskaha ź imi, na dumku prakurora, dakazanaja tym, što telefon Statkieviča byŭ u zapisnoj knižcy Niaronskaha, a Cichanoŭski stvaryŭ jamu akaŭnt.
Niaronskaha taksama abvinavacili ŭ abrazie staršyni Słuckaha rajvykankama Andreja Jančeŭskaha (art. 369, pakarańnie pavodle hetaha artykuła nie praduhledžvaje pazbaŭleńnia voli).
Advakat palitviaźnia Siarhiej Lepieš prasiŭ apraŭdać Niaronskaha, bo na sudzie nie było dakazana jahonaha złačynstva pavodle artykuła 342. Na dumku advakata, aŭtar abvinavačańnia «abmiežavaŭsia tolki ahulnymi frazami», jakija nosiać «vyklučna acenačny charaktar» i śviedčać chutčej pra «jaho staŭleńnie da Niaronskaha, a taksama Mikałaja Statkieviča, Paŭła Sieviarynca i Siarhieja Cichanoŭskaha».
Palitviazień pryznaŭ siabie vinavatym u abrazie staršyni Słuckaha rajvykankama Jančeŭskaha, a pavodle druhoha artykuła abvinavačańnia — nie.
Paśla prysudu palitviazień źviarnuŭsia da svajoj dački: «Dačuška, budź razumnicaj. Ja ciabie vielmi lublu»
Pravaabaroncy ličać, što kryminalny pieraśled Niaronskaha maje vyklučna palityčnyja matyvy.
