fcbate.by
«Pieršapačatkova ŭ Turcyju kamanda płanavała vylecieć 27 studzienia, adnak zrabić heta ŭdałosia tolki 3 lutaha.
Varta adznačyć, što ŭ hetym hodzie kłub prarabiŭ vialikuju padrychtoŭčuju pracu da vyjezdu na zbor. Apłata ŭsich vydatkaŭ, źviazanych z udziełam delehacyi FK BATE ŭ zamiežnym vučebna-trenirovačnym zbory, jak raniej, tak i ŭ biahučym padrychtoŭčym cykle ažyćciaŭlajecca tolki za košt ułasnych hrašovych srodkaŭ kłuba.
Uličvajučy vysokija zadačy, jakija stajać pierad kamandaj na siezon, hulcam było vielmi važna pravieści sparynhi z mocnymi apanientami i na jakasnych naturalnych hazonach. Bo našy futbalisty abaraniajuć honar nie tolki kłuba, horada i Minskaj vobłaści, ale i zbornaj krainy», — paviedamiŭ aficyjny sajt BATE.
U Bielek kamanda dabrałasia pad viečar, paśla čaho pasialiłasia ŭ hateli Cornelia Diamond. U čaćvier jana prystupić da trenirovak. A prahramu sparynhaŭ adkryje 8 lutaha matčam z kijeŭskim «Dynama».
Raniej Minsportu nie ŭzhadniła BATE vyjezd na zamiežny zbor. ABFF i Minsportu zabaraniajuć biełaruskim kłubam ź dziaržfinansavańniem pravodzić zamiežnyja zbory. Zaraz vučebna-trenirovačny zbor u AAE pravodzić «Šachcior», brescki «Ruch» trenirujecca ŭ Turcyi, minskaje «Dynama» — u Sočy.