U praciah temy artykułu «Kastieł Śvienty Anny».
Vielmi dobra, što padymajecca tema prykrych pamyłak u šyldach nasielenych punktaŭ. Šmat kamientaraŭ pad artykułam śviedčać pra toje, što da vyrašeńnia prablemy jašče daloka i što tema chvaluje ludziej.
Ale ci sprabavaŭ aŭtar, akramia taho, što pierakłaŭ nazvu kaścioła na try movy, zrabić vysiłki, kab vypravić nadpis? Ci budzie plon ad taho, što sajt «Našaj Nivy» ci partał Westki.info napišuć pra pamyłku? Ci adreahujuć adkaznyja čynoŭniki? Ci naviedvajuć jany ŭvohule ŭzhadanyja sajty ;-) ?
Chaču raspavieści pra padobny vypadak, ale z stanoŭčym vynikam.
«Dobry dzień !
Na skryžavańni vulic Haradzieckaja i Šafarnianskaja ŭžo na praciahu niekalkich hadoŭ visiać dźvie šyldy z arfahrafičnaj pamyłkaj.
Napisana "vuł.Haradieckaja", pavinna być "vuł. Haradzieckaja".
Kali łaska, prymicie adpaviednyja miery i paznačcie ŭ adkazie, jak chutka pamyłka ŭ napisańni budzie vypraŭlena.
Usiaho dobraha, .......»
«Da ŭvahi TKUP "Minsktrans", namieśniku hienieralnaha dyrektara Toziku V.A.
Pavažany Tozik V.A. !
Ja źviartaŭsia ŭ śniežni minułaha hoda praz hety forum z nastupnaj skarhaj
"Na skryžavańni vulic Haradzieckaja i Šafarnianskaja ŭžo na praciahu niekalkich hadoŭ visiać dźvie šyldy z arfahrafičnaj pamyłkaj.
Napisana "vuł. Haradieckaja", pavinna być "vuł. Haradzieckaja".
Kali łaska, prymicie adpaviednyja miery i paznačcie ŭ adkazie, jak chutka pamyłka ŭ napisańni budzie vypraŭlena."
Na heta mnie było adkazana 15.01.09 za vašym podpisam, dasłoŭna, "bližejšym časam pamyłka budzie vypraŭlena".
Z momantu adkazu prajšło 2 miesiacy, ale ničoha vypraŭlena nie było.
Chaču ŭdakładnić - šyldy raźmiaščajucca nie na prypynačnych punktach, a na słupach z aśviatlalnymi lichtarami.
Usiaho dobraha, ........»
U Minsku vypravić pamyłki ŭ biełaruskamoŭnych šyldach možna vielmi lohka, nie adychodziačy ad lubimaha kampjutara. Dastatkova zrabić dopis (možna navat ananimny) na sajcie Minskaha haradskoha vykanaŭčaha kamiteta.
Pośpiechaŭ !
