Pra heta siońnia na śpiecyjalnym bryfinhu pa vynikach pracy misii Suśvietnaj arhanizacyi achovy zdaroŭja (SAAZ) va Uchani zajaviŭ kiraŭnik hetaj hrupy, ekśpiert SAAZ pa zoanoznych infiekcyjach (jakija pieradajucca čałavieku ad žyvioł) i charčovaj biaśpieki Piter Ben Embarek, paviedamlaje TASS.
«Vyniki našych daśledavańniaŭ pakazvajuć na toje, što hipoteza ab łabaratornym incydencie źjaŭlajecca vielmi małaimaviernaj, kab rastłumačyć źjaŭleńnie virusa siarod ludziej. Takim čynam, hetaja hipoteza nie budzie vykarystoŭvacca ŭ našaj dalejšaj pracy nad vyvučeńniem taho, adkul uźnik virus», — skazaŭ Piter Ben Embarek.
Pieradača ad žyvioły da čałavieka praz pramiežkavaje źviano źjaŭlajecca najbolš imaviernaj hipotezaj pachodžańnia karanavirusa, ličać u SAAZ.
Ekśpierty SAAZ prybyli va Uchań dla vyvučeńnia pachodžańnia karanavirusa novaha typu 14 studzienia. Padčas vizitu ekśpierty SAAZ naviedali ŭchański rynak morapraduktaŭ «Chuanań», dzie ŭpieršyniu była zafiksavanaja ŭspyška karanavirusa ŭ śniežni 2019 hoda, šerah infiekcyjnych balnic horada, a taksama Uchański instytut virusałohii.
