Spravu razhladaje sudździa Volha Małašenka, dziaržabvinavaŭca — Fiodar Sinicki.
Illa Tołkač byŭ zatrymany 21 kastryčnika 2020 hoda i z taho času znachodzicca pad vartaj.
Sudździa Volha Małašenka padtrymała pazicyju dziaržabvinavaŭcy i začytała pastanovu suda — 3 hady abmiežavańnia voli z nakiravańniem va ŭstanovu adkrytaha typu.
Na termin abskardžańnia prysudu Illa Tołkač byŭ vyzvaleny z-pad varty pad padpisku ab niavyjeździe i naležnych pavodzinach.
Pavodle abvinavačvańnia, jak pišuć pravaabaroncy, Illa Tołkač u noč z 9 na 10 žniŭnia znachodziŭsia na prajeznaj čascy kala architekturnaha kompleksa «Minsk — horad-hieroj» i pryniaŭ aktyŭny ŭdzieł u hrupavych dziejańniach ź inšymi pratestoŭcami, što hruba parušajuć hramadski paradak i spałučajucca ź jaŭnym niepadparadkavańniem zakonnym patrabavańniam supracoŭnikaŭ milicyi, što paciahnuła parušeńnie pracy transpartu (dapamoh nieznajomcu pieranieści łavačku na prajeznuju častku). Illa Tołkač publična vykrykvaŭ łozunhi, hučna plaskaŭ u dałoni i nie padparadkoŭvaŭsia patrabavańniam spynić takija dziejańni.
