Fota Depositphotos.com
Niamieckaja kampanija spartyŭnaha adzieńnia Adidas źbirajecca admovicca ad Reebok paśla pierahladu svajho biznesu i pryniaćcia novaj piacihadovaj stratehii, piša CNN.
«Kampanii Reebok i Adidas zmohuć lepš realizavać svoj patencyjał rostu, kali stanuć niezaležnymi adna ad adnoj», — adznačyŭ hienieralny dyrektar Adidas Kaśpier Roršted.
Adidas nabyła amierykanski brend Reebok 15 hadoŭ tamu, kab pašyryć svaju pradukcyju na amierykanskim rynku, dzie hałoŭnym kankurentam źjaŭlajecca kampanija Nike. Adnak u apošnija hady brend Reebok pačaŭ pakazvać drennyja vyniki, bo straciŭ dolu rynku. Ciapier brend składaje tolki 7% ad prodažu Adidas.
Pradstaŭniki niamieckaj kampanii adznačyli, što paśla prodažu amierykanskaj kampanii jany źbirajucca zasiarodzicca na zamacavańni svajho ŭłasnaha brenda na suśvietnym rynku spartyŭnych tavaraŭ.
