Sudździa Savieckaha rajona Minska Siarhiej Šaciła.
Spravu razhladaŭ sudździa Siarhiej Šaciła.
Pra hetuju spravu amal ničoha nieviadoma, pakolki svajaki abvinavačvanaha nie chacieli ahałošvać materyjały suda i byli suprać, kab niechta manitoryŭ sudovaje pasiadžeńnie.
Pravaabaroncam viadoma, što pradprymalnik Bierazinski byŭ zatrymany 11 kastryčnika na adnym z maršaŭ pratestu ŭ Minsku. Niekalki sutak pravioŭ u izalatary časovaha ŭtrymańnia, a ŭžo 16 kastryčnika jaho zatrymali ŭ miežach kryminalnaj spravy.
Abvinavačvańnie prasiła sud pryznać Bierazinskaha vinavatym va ŭdziele ŭ masavych biesparadkach.
Viadoma taksama, što z materyjalnymi pretenzijami u sudzie vystupiła kamunalnaje transpartnaje pradpryjemstva «Minsktrans». Sud pastanaviŭ, što prava na zadavalnieńnie materyjalnaha zysku da Bierazinskaha nieabchodna pieradać u śfieru hramadzianskaj sudavytvorčaści.
Sudździa Siarhiej Šaciła vynies prysud: pryznać Bierazinskaha vinavatym i pakarać terminam try hady i šeść miesiacaŭ pazbaŭleńnia voli ŭ kałonii ŭzmocnienaha režymu.
Aryštavanuju majomaść — telefony ajfon, fłeš-karty, noŭtbuk, aŭtamabil Folskvahien Krafter, usie hrašovyja sumy na rachunkach u bankach, pakinuć pad aryštam.
Aryštavanuju nieruchomaść i doli ŭ ziamielnych učastkach u Ždanovičach i Ratamcy vyzvalić z-pad aryštu.
