Ilustracyjnaje fota Nadziei Bužan
Pavodle źviestak Departamienta mihracyi, za šeść z pałovaj miesiacaŭ — z 1 žniŭnia 2020-ha da 15 lutaha 2021 hoda — za atrymańniem dazvołu na časovaje pražyvańnie ŭ Litvie (abo jaho pradaŭžeńniem) źviarnułasia 9359 čałaviek.
7490 biełarusaŭ atrymali dazvoł na časovaje pražyvańnie ŭ Litoŭskaj Respublicy.
Taksama, jak vynikaje z danych Departamienta, 115 hramadzian Biełarusi źviarnulisia pa dazvoł na pastajannaje pražyvańnie, 86 čałaviek atrymali jaho.
Jašče 14 biełarusaŭ źviarnulisia pa dazvoł na časovaje pražyvańnie i atrymali jaho jak členy siamji hramadzianina ES.
Akramia hetaha, hramadzianie Biełarusi źviartalisia pa atrymańnie nacyjanalnych litoŭskich viz (jany dajuć prava pastajanna vučycca na terytoryi Litvy i pracavać tam). Usiaho pasolstva i konsulstva Litvy, a taksama Departamient mihracyi vydali biełarusam 12 496 nacyjanalnych viz z 1 žniŭnia 2020-ha pa 15 lutaha 2021 hoda.
