Hieatermalnaja stancyja ŭ Niderłandach, jakaja zabiaśpiečvaje ciapłom vialiki ciapličny kambinat. Fota thinkgeoenergy.com
Tempieratura jadra Ziamli, što znachodzicca na hłybini prykładna 3000 km, dasiahaje 5400°C — takuju tempieraturu maje i pavierchnia Sonca. Hetuju ciepłyniu bližej da pavierchni pieranosić mahma — raspłaŭlenaja paroda. Hieatermalnyja enierhietyčnyja kampanii śvidrujuć pavierchni, pad jakimi znachodziacca takija haračyja parody, a ciepłyniu ad ich vykarystoŭvajuć dla vytvorčaści elektraenierhii.
Hieatermalnaja enierhija maje vialiki patencyjał, bo dziakujučy joj možna stvaryć ekałahičnuju sistemu aciapleńnia. Tamu intares da hetaj krynicy enierhii pavialičvajecca nie tolki ŭ Novaj Ziełandyi. Užo naličvajecca kala 600 hieatermalnych elektrastancyj va ŭsim śviecie, piša BBC.
U Paryžy jość śvidraviny, jakija zabiaśpiečvajuć ciapłom mnohija rajony. Kala Viersala pačali pabudovu hieatermalnaj stancyi, jakaja budzie zabiaśpiečvać ciapłom 12 tysiač damoŭ.
Miunchien taksama robić vialikija staŭki na hieatermalnyja krynicy.
A Italija i Turcyja ŭžo daŭno raźvili ŭłasnyja technałohii ŭ hetaj halinie.
A lidaram u vykarystańni hieatermalnaj enierhii źjaŭlajecca Isłandyja dziakujučy svaim šmatlikim vułkaničnym rehijonam i hiejzieram.
Fota Depositphotos.com
Pieravaha hieatermalnaj enierhii pierad inšymi adnaŭlalnymi krynicami, u pryvatnaści, pierad soncam i vietram, u pastajannaj dastupnaści. Ciepłynia, jakaja znachodzicca ŭ nietrach Ziamli, budzie tam u luby čas sutak. Adnak na śvidravańnie i abstalavańnie hieatermalnych stancyj pakul patrabujecca značna bolš zatrat, čym na vietravuju abo soniečnuju enierhietyku.
