Fota z Vikipiedyi.
Paŭabaronca «Miłana» i zbornaj Brazilii Kaka (Rykardu Izeksan duš Santuš Lejte) padpisaŭ šaścihadovy kantrakt z madrydskim «Reałam», paviedamlaje Sport‑Ekspriess sa spasyłkaj na Reuters.
Suma ŭhody nie raskryvajecca, ale miarkujecca, što jana składaje ad 65 da 68 młn jeŭra.
Ciapier 27‑hadovy futbalist znachodzicca ŭ składzie zbornaj Braziii, što ŭdzielničaje ŭ adboračnym turniry čempijanatu śvietu — 2010 dy rychtujecca startavać u Kubku kanfiederacyj.
Tranśfier Kaka - samy darahi tranśfier u historyi. Papiaredni rekord naležyć taksama «Reału», jaki ŭ 2001 h. zapłaciŭ «Juvientusu» 65 młn dalaraŭ za Ziniedzina Zidana.
U studzieni 2009 h. «Mančester Sici» byŭ hatovy vykłaści za Kaka 100 miljonaŭ jeŭra, ale brazilec nie pahadziŭsia na pierajezd u Anhliju, dadaje Sport‑Ekspriess.
Kaka (heta brazilski skarot ad imieni Rykardu) naradziŭsia ŭ 1982 h. u stalicy krainy Brazilia. Vystupaŭ za «San-Paŭłu» (2001-2003), «Miłan» (2003-2009).
Za rosa-niery pravioŭ 193 hulni, zabiŭ 70 miačoŭ. Čempijon Italii 2004 h., pieramožca Lihi čempijonaŭ siezona 2006/2007, uładalnik Załatoha miača 2007 h., a taksama čempijon śvietu 2002 h.