Chram Strečańnia Haspodniaha ŭ Babrujsku sioleta abakrali dvojčy: pieršy raz na Vialikdzień, i ciapier — na Troicu.
U noč z 6 na 7 červienia z chrama znikli srebnyja vyraby na sumu bolej za 3,3 miljona rubloŭ, paviedamili ŭ pres‑centry abłasnoha UUS. Nieviadomyja zładziei ŭzłamali dźviery i skrali carkoŭnaje srebra.
Kala dvuch miesiacaŭ tamu, na Vialikdzień, z hetaj nievialikaj carkvy na vulicy Uljanaŭskaj užo skrali srebra na 8 miljonaŭ rubloŭ. Chutka vyjaviłasia, što kradziež učynili try padletki, jakija zalezli ŭ carkvu praz razbitaje akno.
U milicyi kamientujuć, što pieršym razam złamysnikaŭ‑«biazbožnikaŭ» dapamahła adšukać hramadskaść, i ciapier płanujecca taksama źviarnucca da ludziej.
Akramia hetaha, pravasłaŭnamu prychodu samy čas pamierkavać nad achovaj svajoj ułasnasci. Paśla pieršaha kradziažu ŭ carkvie tak i nie źjavilisia ni vartaŭnik, ni sihnalizacyja. Praŭdu kažuć: na Boha spadziavajsia, ale i sam nie rabi promachu!
Miž tym, rečaisnaść takaja, što śviatyja dni nie harantujuć abaronu ad złačyncaŭ.
U tym ža Babrujsku 7 červienia, ale ŭ inšym chramie — Śviata‑Ivierskim, u 22‑hadovaj žančyny skrali mabilny telefon.
