Fota BBC
Kampanija paviedamlaje, što ŭ začynienym vyhladzie telefon maje našmat mienšuju ŭnutranuju ščylinu pamiž dysplejami, čym u anałahičnych pryładach ich hałoŭnaha kankurenta Samsung. Asnoŭny ekran ciapier raźmiaščajecca nie na vonkavaj častcy, jak heta było ŭ papiarednich madelach, a składvajecca ŭnutr korpusa. Kab zachavać u biaśpiecy dyspłej, Huawei raspracavała palepšany šarnirny miechanizm.
Chutčej za ŭsio, praz svoj košt — kala $2800 — novy smartfon nie budzie nadta papularny. A handlovyja zabarony z boku ZŠA pahražajuć zdolnaści kampanii vyrablać novuju pryładu, paviedamlaje VVS.
Pakaz novaha smartfona supaŭ z publikacyjaj dakłada kampanii pa daśledavańni rynku Gartner. U dakumiencie śćviardžajecca, što za apošnija try miesiacy 2020 hoda Huawei pradali na 41% mienš telefonaŭ, čym za toj ža pieryjad 2019 hoda.
Šmat u čym heta źviazana ź niazdolnaściu kampanii pad upłyvam sankcyj ZŠA prapanavać karystalnikam servisy Google Play i niekatoryja ź inšych dadatkaŭ Google, u tym liku Youtube, Maps i braŭzier Chrome. Kampanija sprabuje zamianić zabaronienyja prahramy ich anałahami, adnak za miežami Kitaja karystalniki nie hatovyja admovicca ad servisaŭ Google.
Ale i ŭ Kitai Huawei maje prablemy: u kampanii zastajecca ŭsio mienš pracesaraŭ Kirin, jakija vielmi važnyja dla smartfonaŭ. Huawei raspracoŭvaje ich samastojna, ale vytvorčaściu zajmajecca brend TSMC z Tajvania. Akramia tajvańskaj kampanii, tolki Samsung zdolny vyrablać nieabchodnyja mikrapracesary.
Adnak ZŠA zabaranili abiedźvium kampanijam vyrablać čypy dla Huawei na padstavie taho, što kitajskaja kampanija pradstaŭlaje ryzyku dla nacyjanalnaj biaśpieki, z čym kampanija Huawei nie zhodnaja. Amierykancy ž śćviardžajuć, što vyjavili suviaź Huawei z kitajskimi śpiecsłužbami.
