13 červienia ŭ Maładziečnie projdzie 10-ty Nacyjanalny fiestyval biełaruskaj pieśni i paezii «Maładziečna‑2009». Pieršy byŭ praviedzieny — u 1993 hodzie.
Niechta skaža: «Padumaješ, data, 10 hadoŭ». Ale kali ŭličyć, što mierapryjemstva pravodzicca ŭ nas raz na dva hady, to tradycyi hetaj užo 20.
La vytokaŭ fiestyvalu biełaruskaj pieśni i paezii stajali tahačasny mer horada Hienadź Karpienka i jaho namieśniki, a taksama zahadčyca adździeła kultury Maładziečanskaha harvykankama Nadzieja Sidarenka.
Darečy, jana praviała vosiem fiestyvalaŭ, pieršy ź jakich prajšoŭ na haradskim stadyjonie.
Uspaminaje były jaho dyrektar Valancina Halicyna: «Pieršy fiestyval pravodzili na stadyjonie, bo tolki jon moh źmiaścić takuju kolkaść udzielnikaŭ, hledačoŭ i haściej. Da padziei rychtavalisia nie tolki my. Dapamahali ŭsie maładziečancy. Horad upryhožyli, zrabili zaprašeńni haściam i artystam, vypuścili malaŭničyja afišy i znački.
Pracavać było nie prosta, i ŭ toj ža čas cikava. Asabista mnie zapomniŭsia Michaił Finbierh. U pieršuju čarhu svajoj nadzvyčajnaj adkaznaściu. Adzin z usich biełaruskich zorak, jon tut i žyŭ ŭ nas, na stadyjonie. A haściami fiestyvalu ŭ toj hod byli artysty z dalokaj soniečnaj Hruzii Tamara Hvierdcyteli i Soso Paŭliašvili».
Była na pieršym fiestyvali ŭ Maładziečnie i Elina Vialička. Siońnia jana instruktar‑mietadyst miedycynskaj reabilitacyi adnaho z respublikanskich navukova‑praktyčnych centraŭ u Minsku. Što bolš za ŭsio zapomniła? Jak dapamahała maładym śpievakam pastavić hołas, jak padtrymlivała ich maralna, jak razam z tahačasnym dyrektaram dramatyčnaha teatra Siarhiejem Valkovičam upryhožvała faje teatra, dzie pracavała vystava karcin jaje muža.
Siońnia ŭžo ciažka ŭjavić kulturnaje žyćcio Maładziečna bieź fiestyvalu, na jaki zvyčajna źjazdžajucca hości z usioj krainy i jaki daje start u tvorčaje žyćcio maładym. Dumajecca, što sioletni, dziesiaty, budzie taksama zapaminalny. Hałoŭnaje, kab nie pieraškodziła nadvorje.
***
Prahrama 10-ha Nacyjanalnaha fiestyvalu biełaruskaj pieśni i paezii, 13 červienia
11.00 vuł. Prytyckaha
«Horad Majstroŭ». Vystava narodnych ramiostvaŭ, dekaratyŭna‑prykładnoha mastactva. kirmaš.
11.00 skvier Centralnaj płoščy
«Maja ziamla — maje vytoki». Vystava vyjaŭlenčaha mastactva vučniaŭ dziciačych mastackich, ahulnaadukacyjnych škoł i pazaškolnych ustanoŭ Maładziečanskaha rajona
12.00 Pałac kultury
Respublikanski konkurs maładych vykanaŭcaŭ biełaruskaj estradnaj pieśni
13.00 kancertnaja placoŭka «Jubilejnaja»
«Pakłon tabie, moj biełaruski kraj». Hajonny fiestyval‑konkurs samadziejnych vakalna‑charavych kalektyvaŭ. vystupleńni kalektyvaŭ amatarskaj tvorčaści Maładziečanskaha rajona.
13.00 Haradski park imia Pieramohi
«tabie niasu ziamny pakłon — moj rodny kut, moj rodny dom». Kancertnaja prahrama z udziełam amatarskich kalektyvaŭ i dziciačych kalektyvaŭ ustanoŭ adukacyi Maładziečanskaha rajona.
«Viasiołyja chvilinki». hulniova‑zabaŭlalnaja prahrama.
«Horad majoj mary». Konkurs malunkaŭ na asfalcie/
15.00 «Muzyka, natchnionaja radkom» Tvorčyja sustrečy biełaruskich paetaŭ i kampazitaraŭ z žycharami horada Maładziečna i Maładziečanskaha rajona.
16.00 Centralnaja biblijateka imia Bahdanoviča
pres‑kanfierencyja z udziełam miascovych i respublikanskich ŚMI.
16.30 Centralnaja płošča.
«Na śviata zaprašajem». Kancertnaja prahrama Biełaruskaha dziaržaŭnaha ansambla narodnaj muzyki «Śviata» Biełdziaržfiłarmonii
Vystupleńni biełaruskich paetaŭ.
20.00 Centralnaja płošča. Hała‑kancert «Ziamla maja — pieśnia» zorak biełaruskaj estrady, viadučych tvorčych kalektyvaŭ Biełarusi i pieramožcaŭ respublikanskaha konkursu maładych vykanaŭcaŭ biełaruskaj estradnaj pieśni.
