Viktar Łukašenka. Fota Siarhieja Hudzilina
«I, samaje hałoŭnaje, šmat ž vy čujecie razmoŭ: tranzit ułady, voś tut ciapier Łukašenka starejšamu jak minimum pieradaść uładu, jon budzie kiravać u krainie.
Ja časta kazaŭ, što ŭ našaj siamji heta nikoli nie abmiarkoŭvałasia i abmiarkoŭvacca nie moža. Bo nivodnaje majo dzicia prezidentam u Biełarusi nie budzie paśla mianie. I Viktar, kali vy jaho abieracie, nie budzie dziaržaŭnym słužačym.
Jon siońnia ž budzie zvolnieny z pasady pamočnika prezidenta pa nacyjanalnaj biaśpiecy z usimi vynikajučymi adsiul nastupstvami. Ja nie cisnu na vas i nie nastojvaju. Heta vaš vybar», — skazaŭ Alaksandr Łukašenka.
Viktar Łukašenka zajmaŭ pasadu pamočnika pa nacyjanalnaj biaśpiecy z 2005 hoda.
Siońnia jon byŭ abrany prezidentam Nacyjanalnaha alimpijskaha kamiteta. Z krasavika 2019 hoda jon vykonvaŭ abaviazki pieršaha vice-prezidenta NAK, a ŭ listapadzie taho ž hoda byŭ abrany Alimpijskim schodam na hetu pasadu.