Mikitu Kisiala, Alaksieja Kaścialeja i Kanstancina Francava zatrymali ranicaj u niadzielu na vuł. Kalinoŭskaha. Ich advieźli ŭ Pieršamajski RUUS, dzie na ŭsich skłali pratakoły pa art.24.23 KaAP.
Dalej mužčyn dastavili ŭ IČU da suda. Ranicaj 10 sakavika ŭ ich skončvaŭsia 72-hadzinny termin. Sudździa Maksim Trusievič sudziŭ ich paśla abiedu.
Sa słovaŭ mužčyn, zatrymlivali ich ludzi ŭ cyvilnym, źbiŭšy z noh adnaho ź ich. Pa ich słovach, nijakich masavych mierapryjemstvaŭ pobač nie prachodziła, ale pa pratakole ŭsie jany brali ŭdzieł u pikietavańni.
Kanstancin raspavioŭ sudu, što vymušany spać na padłozie kala batarei na Akreścina, bo ŭ kamiery tolki dva spalnyja miescy na čaćviarych. Matracy i koŭdru jany tak i nie atrymali. Doma ŭ Francava zastaŭsia kot, a svajakoŭ u jaho niama.
U vyniku sudździa Maksim Trusievič asudziŭ Kisiala, Kaścialeja i Francava na 15 sutak aryštu.
