U sieradu, 10 červienia, kala 15 hadzin u kvatery adnaho z damoŭ na vulicy Tałstoha ŭ Maładziečnie adbyŭsia vybuch.
Načalnik rajadździeła milicyi Jury Fiedarenka paviedamiŭ «RH», što ŭzarvałasia samarobnaje vybuchovaje ŭstrojstva.
Jaho rychtavaŭ sabie na dzień naradžeńnia 22-hadovy mužčyna.
«U milicyju źviarnulisia daktary, jakija akazvali maładomu čałavieku miedycynskuju dapamohu paśla vybuchu, - raskazvaje Jury Fiedarenka. -
Mužčynu adarvała try palcy na levaj ruce».
Pa słovach načalnika maładziečanskaj milicyi, niebiaśpiečnaje samarobnaje ŭstrojstva, fiejervierk, hacpadar kvatery rychtavaŭ z padručnych srodkaŭ. Jon nie raźličyŭ kolkaści vybuchovaha rečyva, ad čaho i adbyŭsia vybuch. Jury Fiedarenka raić čytačam «RH», jakija rychtujucca da ŭračystaściaŭ, nie zajmacca niebiaśpiečnaj samadziejnaściu, a źviartacca ŭ śpiecyjalnyja arhanizacyi, jakija na zakonnych padstavach zajmajucca vytvorčaściu albo prodažam piratechniki.
U hety ž dzień, u sieradu, horad rychtavaŭsia da vypusknych viečaroŭ. U 21 hadzinu na Centralnaj płoščy źbiralisia vypuskniki ŭsich škoł horada. Jury Fiedarenka kateharyčna admaŭlaje, što vyrab vybuchovaha ŭstrojstva ŭ kvatery na vulicy Tałstoha maje niejkaje dačynieńnie da vypusknoha śviata. Pavodle jaho słoŭ, pra padrychtoŭku da terarystyčnaha akta havorki być nie moža.
