Pryčynaj uzmacnieńnia žorstkaści karanavirusnych mier stała rezkaje pavieličeńnie kolkaści vypadkaŭ zaražeńnia. Takim čynam, kali 20 studzienia ŭ Francyi, pa danych SAAZ, było vyjaŭlena 23 347 vypadkaŭ zaražeńnia karanavirusam za sutki, 20 lutaha — 23 170, to ŭžo ź siaredziny sakavika pajšoŭ rost: 12 sakavika — 27 166 vypadkaŭ, 17-ha — 29 145, 25-ha — 33 389, 26 sakavika kolkaść vypadkaŭ za sutki dasiahnuła 45 401, a da 1 krasavika kolkaść vyjaŭlenych zaražeńniaŭ vyrasła da 58 828.
«Virus nie tolki zaraźniejšy, ale da taho ž śmiarotna niebiaśpiečny», — skazaŭ kiraŭnik dziaržavy, adznačyŭšy, što «44% pacyjentaŭ, jakija ciapier znachodziacca ŭ reanimacyi, — maładziejšyja za 65 hadoŭ».
Miery, uviedzienyja ŭ Francyi na pieryjad łakdaŭna:
— va ŭsich rehijonach uviali kamiendanckuju hadzinu z 19:00;
— supracoŭniki pavinny pa mahčymaści pierajści na dystancyjnuju pracu;
— na try tydni začyniajucca dziciačyja sady, škoły i kaledžy. Studenty VNU zmohuć naviedvać navučalnyja ŭstanovy adzin raz na tydzień;
— kramy, dzie nie handlujuć pradmietami pieršaj nieabchodnaści, pavinny być začynienyja. Vyklučeńnie składuć knižnyja i muzyčnyja kramy, a taksama kramy tavaraŭ dla doma. Buduć adkryty cyrulni;
— zabaraniajucca pajezdki biez asablivaj pryčyny na adlehłaść bolš za 10 km ad miesca izalacyi; źjechać z adnaho rehijona ŭ inšy francuzy zmohuć tolki ŭ vielikodnyja śviaty.
