Taćciana była zatrymanaja 6 krasavika, u jaje doma i na leciščy adbylisia pieratrusy.Taksama byli zatrymanyja čatyry čałavieki, jakija majuć dačynieńnie da vystavy «Mašyna dychaje, a ja — nie», pryśviečanaj baraćbie z karanavirusam.
Pravaabaroncy ličać pieraśled Taćciany Hacury-Javorskaj palityčna matyvavanym i skiravanym na spynieńnie jaje publičnaj i niehvałtoŭnaj dziejnaści pa abaronie pravoŭ čałavieka i asnoŭnych svabod.
Jany patrabujuć nieadkładna vyzvalić Hacuru-Javorskuju i spynić jaje kryminalny pieraśled. Taksama jany patrabujuć spynić pieraśled i cisk na ŭsich pravaabaroncaŭ Biełarusi i aktyvistaŭ hramadzianskaj supolnaści. Akramia taho, padpisanty zajavy patrabujuć ad uładaŭ «vykanańnia ŭziatych na siabie abaviazacielstvaŭ u dačynieńni da zabieśpiačeńnia harantyj ažyćciaŭleńnia pravaabarončaj dziejnaści i pryniaćcia dla hetaha ŭsich nieabchodnych mier».
