Siońnia na sudovy praces trapiła nie šmat publiki, adnak tyja, chto ŭsio ž trapiŭ na pasiadžeńnie z samaha pačatku, admovilisia siadzieć na łaŭkach u zale suda, paviedamlaje bresckaja «Viasna».
Sudździa Ina Kłyšpač skazała ŭsim rassadžvacca — ale ludzi praciahvali stajać. Paśla hetaha sudździa abviaściła, što ŭsie, akramia abvinavačanych, buduć vydalenyja z zały, kali nie padparadkoŭvajucca — i publika nieachvotna raśsiełasia. Abvinavačanyja zastalisia stajać.
Zatym Alena Hnaŭk, adna z 14 abvinavačanych, zajaviła što prosić puścić usiu publiku i ŚMI — sudździa abviaściła pierapynak i syšła. Pa viartańni ź niepraciahłaha pierapynku sudździa prosta praciahnuła pasiadžeńnie, pačała začytvać pravy. Abvinavačanyja ž zajavili advod sudździ, bo jana «nie zabiaśpiečvaje hałosnaść i adkrytaść» suda.
Advod padtrymali amal usie: tolki Čamadanaŭ i Čarniecki skazali, što daviarajuć składu suda. Taksama abvinavačanyja zajavili, što ličać spravu palityčna matyvavanaj, a tamu hałosnaść i padtrymka publiki na hetym pracesie nadzvyčaj važnaja. Sudździa jašče raz pajšła na pierapynak, a pa jaje viartańni puścili žurnalistaŭ BiełaPAN.
