Bo była ŭtvoranaja vyklučna dla źmianšeńnia ryzyki tranzitu nafty na Zachad.
Dziejsnaja sajuznaja damova pamiž Biełaruśsiu i Rasijaj vidavočna vypracavała svoj resurs, piša Hazieta.Ru. Apošniaja kanfrantacyja, jakaja pačałasia z admovy Rasii vydzielić apošni paŭmiljardny tranš kredytu i skončyłasia «małočnaj vajnoj», nasiła sistemny charaktar i źjaŭlajecca, hałoŭnym čynam, rasijskaj reakcyjaj na ŭstupleńnie Biełarusi va «Ŭschodniaje partniorstva». Kanflikt hety źjaŭlajecca padrychtoŭkaj da bolš surjoznaha ŭskładnieńnia adnosinaŭ u bližejšaj budučyni — u 2011 hodzie budzie zbudavanaja BTS-2. Pa hetym naftapravodzie rasijskaja nafta pojdzie ŭ abychod Biełarusi.
Nieprychavana dezyntehracyjnyja dziejańni z abodvuch bakoŭ — pabudova Rasijaj u abychod sajuźnika naftapravodu, dy udzieł Biełarusi ŭ jeŭrapiejskim intehracyjnym prajekcie, jaki vidavočna nie daspadoby Maskvie, mohuć śviedčyć albo pra poŭny pravał sajuznaj damovy, albo pra toje, što jon užo vykanaŭ svaje zadačy, vypracavaŭ resurs i pastupova sychodzić u niabyt, miarkuje Hazieta.Ru.
Praź Biełaruś prachodzić kala 80% rasijskaj nafty, što ekspartujecca na Zachad, i sajuzny prajekt dla Rasii, u pieršuju čarhu, byŭ sposabam chiedžyravać ryzyki tranzitu» — piša internet vydańnie.«Kali niepraduziata pahladzieć na rečy, to my ŭbačym, što pieršapačatkovaj prahmatykaj, što pryviała da ŭźniknieńnia sajuznaj dziaržavy, była naftahazavaja.
U abmien na biaśpieku tranzitu Biełaruś atrymała šmatlikija lhoty. I nie małyja, kali vieryć ahučanaj u 2006 hodzie Pucinym infarmacyi: adny tolki naftavyja lhoty nibyta składali 40% ad biełaruskaha biudžetu. Pałovu biełaruskaha ekspartu składaŭ rasijski nakirunak, druhaja pałova — vyrablenyja z rasijskaj syraviny naftapradukty, što pradavalisia na Zachad. I pieršapačatkovaja prahmatyka zachavałasia dahetul, z čaho Hazieta.Ru robić nastupnuju vysnovu — «sajuz Rasii ŭ Biełaruśsiu byŭ u pieršuju čarhu sajuzam, zaklučanym piersanalna ź biełaruskim prezidentam, ale nijak nie ź biełaruskim hramadstvam u cełym».
Pucinskaja epocha prademanstravała, što Maskva nie šukaje inšych kropak apory, a tolki aptymizuje niepaźbiežnyja vydatki ad takoha sajuzu. Pry hetym, u dačynieńni da postsavieckaj prastory tak i nie źjaviłasia choć kolki ŭciamnaj palityčnaj kancepcyi rasijskich intaresaŭ, a voś ekanamičny składnik byŭ raspracavany dastatkova dobra. I taki ekanamizm źniešniepalityčnaha padychodu rana ci pozna pastaviŭ pytańnie pra aptymizacyju vydatkaŭ. Samymi vialikimi «vydatkami» stali tranzitnyja krainy. Kab vypravić situacyju, Rasija hatovaja ździejśnić ambicyjnyja i zahadzia stratny prajekty pabudovy ŭ abychod Biełarusi i Ŭkrainy trubapravody.
Hazieta.Ru robić niesuciašalny prahnoz: dla siońniašniaj Biełarusi realizacyja Rasijaj «aptymizacyi vydatkaŭ» moža abiarnucca katastrofaj. Padzieńnie ekspartnych prybytkaŭ niepaźbiežna razburyć toj sacyjalny kantrakt, na jakim bazujecca siońniašniaja biełaruskaja sistema, kali prymalny ŭzrovień sacyjalnych prahram zabiaśpiečvaje pryznańnie nasielnictvam lehitymnaści manapolii ŭłady na palityku.
