Startavy śvistok pavinien byŭ prahučać u 18.30, ale za paru hadzin da pačatku hulni fanaty «Junajted», jakija vystupajuć suprać siamji Hlejzieraŭ, uładalnikaŭ «MIU», prarvalisia na «Ołd Trafard» i vysypali na pole. Praz heta start matča byŭ adkładzieny na niavyznačany termin.
Aficyjnyja pradstaŭniki kłubaŭ nie zmahli trapić na stadyjon, kamandy zastalisia ŭ hatelach.
«Paśla abmierkavańnia situacyi pradstaŭnikami palicyi, Premjer-lihi, kiraŭnictva stadyjona «Ołd Trafard» i kłubaŭ naš matč suprać «Livierpula» byŭ adkładzieny ź mierkavańniaŭ biaśpieki ŭ suviazi ź siońniašnimi pratestami. My budziem pravodzić pieramovy z Premjer-Lihaj ab novaj dacie matča», — havorycca ŭ zajavie «MIU».
Zaŭziatary «MIU» daŭno vystupajuć suprać Hlejzieraŭ, ale ź niaŭdałym zapuskam Supierlihi pratesty ŭspychnuli z novaj siłaj.
