Fota CNN
71-hadovaja Eliza Łutc i 67-hadovy Chary Dekiers stali ščaślivymi ŭładalnikami ličbavaha kluča — mabilnaha dadatku, jaki dazvalaje adčynić dźviery šeraha budynka ŭ Ejndchovienie, što na poŭdni Niderłandaŭ, piša CNN.
Adnapaviarchovy nadrukavany dom z prastornaj vitalniaj i dźviuma spalniami maje płošču kala 93 kvadratnych mietraŭ.
Hety dom staŭ pieršym ź piaci zapłanavanych budynkaŭ ad Project Milestone — pieršaha ŭ śviecie prajekta budaŭnictva kamiercyjnaha žytła, całkam nadrukavanaha na 3D-pryntary.
Budynak budzie prydatnym dla žyćcia na praciahu niekalkich dziesiacihodździaŭ. Architektary pabudavali dom źniešnie padobnym da vałuna, kab jon upisvaŭsia ŭ navakolnyja krajavidy.
Dom składajecca z 24 bietonnych elemientaŭ, jakija nadrukavali na zavodzie ŭ Ejndchovienie. Zatym elemienty dastavili na budaŭničuju placoŭku i raźmiaścili na fundamiencie. Ahułam druk doma doŭžyŭsia 120 hadzin.
Arenda takoha žytła składaje 800 jeŭra za miesiac.
U mietadzie 3D-druku vykarystoŭvajecca vializnaja rabatyzavanaja ruka z sopłam, jakaja raźmiarkoŭvaje śpiecyjalny bieton na stale dla 3D-druku.
Mnohija razhladajuć 3D-technałohiju jak sposab skaracić vydatki na budaŭnictva žytła i źnizić uździejańnie na ekałohiju za košt mienšaj kolkaści vykarystanaha cemientu.
