Miedyki ŭ Indyi zarehistravali za minułyja sutki 343 144 novyja vypadki infikavańnia karanavirusam. Ahulnaja kolkaść infikavanych za ŭvieś čas epidemii ŭ krainie dasiahnuła 24 046 809, piša TASS.
Kolkaść infikavanych u Indyi raście rekordnymi tempami: pra toje, što hety pakazčyk pieravysiŭ 23 młn, Ministerstva achovy zdaroŭja krainy paviedamiła 12 maja, pra bolš jak 22 młn — 9 maja, a pra bolš jak 21 młn infikavanych — 6 maja.
Kolkaść śmiarotnych zychodaŭ pavialičyłasia za 24 hadziny na 4 tys. i dasiahnuła 262 317. U toj ža čas kolkaść pacyjentaŭ, jakija adužali, pavialičyłasia za 24 hadziny na 344 776 i dasiahnuła 20 079 599.
Pryščepku ad karanavirusnaj infiekcyi ŭ krainie za apošnija sutki zrabili 2 027 162 čałavieki, ahulnaja kolkaść pryščeplenych dasiahnuła 179 298 584.
