Alaksandr Cialeha
Heta Alaksandr Cialeha, uradženiec Barysava, jaki pracavaŭ doktaram u rasijskim Narylsku. Viarnuŭsia ŭ Biełaruś, byŭ zatrymany, vystaŭlena abvinavačańnie pa art. 369 KK (Abraza pradstaŭnika ŭłady);
Uładzisłaŭ Šynkovič — asudžany sudom Navahrudskaha rajona na paŭtary hoda chimii pa art. 391 KK (Abraza sudździ), nakiravany dla adbyćcia pakarańnia;
Siarhiej Chavanski — asudžany sudom Leninskaha rajona Hrodna na dva hady chimii pa art. 368 KK (Abraza prezidenta), nakiravany dla adbyćcia pakarańnia;
Arciom Kasač — asudžany Viciebskim abłasnym sudom (u vyniku apielacyi na prysud pieršaj instancyi i zamieny pakarańnia) na paŭtary hady chimii pa art. 369 KK (Abraza pradstaŭnika ŭłady), nakiravany dla adbyćcia pakarańnia;
Jaŭhien Lucki — asudžany ŭ zakrytym sudovym pasiadžeńni prysudam Viciebskaha abłasnoha suda pa č. 1 art. 130 KK (Raspalvańnie varažniečy pa prykmiecie inšaj sacyjalnaj prynaležnaści — supracoŭniki MUS), č. 1 art. 368 KK (Abraza prezidenta) i č. 1 art. 366 (Pahrozy hvałtam u dačynieńni da prezidenta, u metach pieraškodzić jahonaj zakonnaj dziejnaści) da piaci hadoŭ pazbaŭleńnia voli;
Pravaabaroncy ličać ich pieraśled i pazbaŭleńnie voli palityčna matyvavanym i zaklikajuć da ich vyzvaleńnia.
Ahulnaja kolkaść palitviaźniaŭ na siońnia składaje 377.
