U paŭdniovym Kitai daviałosia evakujavać naviedvalnikaŭ chmaračosa SEG Plaza vyšynioj u 73 pavierchi, tamu što jon niečakana pačaŭ chistacca. Pryčyna zdareńnia pakul nieviadomaja: u toj čas u horadzie Šeńčžeń, dzie znachodzicca budynak, nie było zafiksavana nijakich ziemlatrusaŭ.
Zhodna z papiarednim daśledavańniem, vakoł budynka u ziamli niama nijakich raskolin, źniešniaja ściana chmaračosa taksama nie była paškodžanaja. U sacyjalnych sietkach źjavilisia kadry taho, jak chutka paśla zakančeńnia evakuacyi z chmaračosa ad jaho adbiahajuć sotni ludziej, piša VVS.
Pabudavany dvaccać hadoŭ tamu chmaračos SEG Plaza znachodzicca ŭ centry horada, u im źmiaščajecca rynak elektroniki i ofisy. U Šeńčženi jość i inšyja vialikija chmaračosy, u tym liku budynak Mižnarodnaha finansavaha centra Pinań, vyšynia jakoha składaje 599 mietraŭ, — na siońnia heta čaćviorty pa vyšyni chmaračos u śviecie.
