Fota blog.google
Pradstaŭniki kampanii adznačajuć, što novaja apieracyjnaja sistema stała samym maštabnym źmianieńniem dyzajnu za ŭsiu historyju Android.
Kampanija abiacaje, što karystalniki zmohuć piersanalizavać svoj telefon dziakujučy aŭtamatyčnamu stvareńniu kalarovaj palitry. Dastatkova ŭsiaho tolki vybrać špalery, a sistema sama budzie vyznačać, jakija kolery daminujuć, a jakija dobra spałučajucca miž saboj. Zatym hetaja kalarovaja palitra budzie aŭtamatyčna prymianiacca da ŭsioj apieracyjnaj sistemy.
Akramia hetaha, novaja AS aptymizuje pracu pracesaraŭ, što dazvolić telefonu pracavać daŭžej biez zaradki.
Asobnuju ŭvahu kampanija nadała biaśpiecy i kanfidencyjalnaści. U novaj sistemie źjavicca admysłovaja paniel Privacy Dashboard, dzie možna pahladzieć, jakija dazvoły atrymali dadatki i kali heta adbyłosia. Bolš za toje, u karystalnika budzie mahčymaść davać dadatkam dostup tolki da prykładnaha miescaznachodžańnia. Naprykład, dla taho, kab dadatak moh vyznačyć nadvorje, jamu nie patrebna viedać dakładnaje miescaznachodžańnie telefona, tamu buduć vykarystoŭvacca tolki prykładnyja źviestki.
Jašče ŭ telefonach źjavicca funkcyja Android Private Computer Core. Karystalnik zmoža zachoŭvać asabistuju infarmacyju, jakaja budzie izalavanaja ad dostupu ź sietki.
