Paśla prymusovaj pasadki ŭ Minsku pasažyrskaha samalota Ryanair administracyja ZŠA abviaściła ab adnaŭleńni z 3 červienia sankcyj u dačynieńni da dzieviaci biełaruskich dziaržkampanij. Akramia taho, pa ŭzhadnieńni ź ES i inšymi partniorami buduć padrychtavanyja adrasnyja sankcyi suprać «klučavych fihur režymu» biełaruskaha kiraŭnika Alaksandra Łukašenki, zajaviła ŭviečary ŭ piatnicu, 28 maja, pres-sakratar Biełaha doma Džen Psaki.
Pavodle jaje słoŭ, budzie taksama padrychtavany pravavy dakumient z tym, kab prezident ZŠA atrymaŭ bolš mahčymaściaŭ dla ŭviadzieńnia štrafnych mier.
Dziaržaŭny departamient ZŠA vypuściŭ pieraściarohu dla pajezdak u Biełaruś, a Fiederalnaje ŭpraŭleńnie cyvilnaj avijacyi ZŠA (FAA) papiaredziła avijakampanii ab nieabchodnaści prajaŭlać «krajniuju aściarožnaść» pry palotach nad Biełaruśsiu. ZŠA zaklikajuć Łukašenku dazvolić praviadzieńnie hodnaha davieru mižnarodnaha rasśledavańnia incydentu z samalotam Ryanair. Razam z tym Psaki nastojvaje na vyzvaleńni ŭsich palitviaźniaŭ i pačatku surjoznaha dyjałohu z apazicyjaj, u vyniku jakoha pad mižnarodnym nahladam pavinny być praviedzienyja sumlennyja i svabodnyja prezidenckija vybary.
Bieły dom nie nazvaŭ padrabiaznaściaŭ sankcyj suprać dzieviaci dziaržkampanij, niezrazumieła ŭ tym liku, jakija mienavita pradpryjemstvy patrapiać pad štrafnyja miery, pieršapačatkova ŭviedzienyja suprać režymu ŭ Minsku ŭ 2006 hodzie.
