U Hruziju zmohuć trapić turysty, jakija ŭžo prajšli poŭny kurs vakcynacyi i ŭ dadatak na miažy pradjavili daviedku ab admoŭnym vyniku PCR-testu na karanavirus, piša TASS.
Taho, chto nie prajšoŭ poŭny kurs vakcynacyi, zmohuć upuścić u Hruziju na padstavie PCR-testu, zroblenaha za 72 hadziny da pierasiačeńnia miažy, a taksama z toj umovaj, što na treci dzień znachodžańnia ŭ Respublicy jon jašče raz zdaść test na karanavirus.
Z aŭtorka taksama ŭ restaranach, kaviarniach i barach u Hruzii dazvolena rassadžvać haściej u zakrytych załach.
Pieršy vypadak zaražeńnia karanavirusam u Hruzii zafiksavany 26 lutaha 2020 hoda. Z pačatku pandemii zarehistravali 343 963 vypadku zaražeńnia (9,2% nasielnictva), pamierli 4773 čałavieki. U apošnija dni sutačny pryrost kolkaści infikavanych vahajecca ŭ rajonie 1 tysiačy.
Z 15 sakavika ŭ Hruzii prachodzić vakcynacyja nasielnictva ad karanavirusa preparatami AstraZeneca, Pfizer, Sinopharm i Sinovac Biotech. Pavodle apošnich źviestak, pryščapilisia bolš za 138 tysiač čałaviek, što składaje 3,73% nasielnictva.
