frenchculture.org
Pra heta ŭ sieradu abviaściła na ŭračystaj cyrymonii ŭ Kafiedralnym sabory Kovientry staršynia žury premii, brytanskaja piśmieńnica Lusi Chadžes-Cholet, piša TASS.
Pa-francuzsku kniha nazyvajecca «Frère d'âme», pa-anhlijsku At All Night Blood is Black, faktyčna «Unačy lubaja kroŭ čornaja»).
U knizie, jakaja była pierakładzienaja z francuzskaj na anhlijskuju piśmieńnicaj Hannaj Maskavakis, David Dyop raspaviadaje pra časy Pieršaj suśvietnaj vajny i kałanijalnaha panavańnia. Apovied skancentravany na sieniehalskim sałdacie, jaki, jak i mnohija vychadcy z byłych afrykanskich kałonij Francyi, zmahajecca ŭ šerahach francuzaŭ.
Sam Dyop naradziŭsia ŭ Paryžy, ale bolšuju častku svajho dziacinstva pravioŭ u Sieniehale, paśla viarnuŭsia ŭ Francyju vučycca. Dla 55-hadovaha aŭtara raman «Rodnasnaja duša» staŭ druhim u karjery. U 2018 hodzie, u hod vychadu ramana jon byŭ udastojeny francuzskaj Hankuraŭskaj premii liceistaŭ, viersii tradycyjnaj Hankuraŭskaj premii, hałasavańnie ŭ jakoj pravodziać kala dźviuch tysiač staršakłaśnikaŭ.
***
U adroźnieńnie ad Bukieraŭskaj premii, jakaja była zasnavanaja ŭ 1969 hodzie i štohod prysudžajecca piśmieńnikam krain byłoj Brytanskaj Sadružnaści, Mižnarodnaja Bukieraŭskaja premija była zasnavana ŭ 2004 hodzie i až da 2016 hoda ŭručałasia raz na dva hady. Ciapier jaje prysudžajuć za dasiahnieńni ŭ halinie litaratury štohod.
Pieramožcam moža być aŭtar luboj knihi, jakaja była pierakładziena na anhlijskuju i apublikavanaja ŭ Złučanym Karaleŭstvie abo Irłandyi. Hrašovy pryz premii składaje £50 tys. funtaŭ ($70,8 tys.) i budzie padzieleny pamiž piśmieńnikam-pieramožcam i pierakładčykam.
