pixabay.com
Ispanija z paniadziełka adkryvaje miežy dla turystaŭ, jakija prajšli poŭny cykł vakcynacyi ad COVID-19, paviedamlaje ispanskaja teleradyjokampanija RTVE.
RTVE adznačaje, što naroŭni z vakcynami vytvorčaści Pfizer, Moderna, AstraZeneca i Janssen, jakija ŭchvaleny Jeŭrapiejskim ahienctvam lekavych srodkaŭ, Ispaniju zmohuć naviedvać i turysty, pryščeplenyja kitajskimi preparatami Sinopharm i Sinovac-Coronavac.
Rasijskaha «Sputnika» ŭ śpisie niama.
Turyst, jaki choča naviedać Ispaniju, papiarednie pavinien pradstavić paćvierdžańnie ab prachodžańni poŭnaha cykłu vakcynacyi jak minimum za 14 dzion da ŭjezdu ŭ krainu.
Dla hetaha nieabchodna zapoŭnić ankietu ŭ internecie praź śpiecyjalny dadatak, jaki zhienieruje QR-kod, jaho turyst pavinien pradstavić jak pierad vizitam u Ispaniju, tak i pry prachodžańni pašpartnaha kantrolu.